Dikush, nga mesi i sallës, i cili vazhdimisht ka bërë një pyetje që për momentin mbeti pa përgjigje, e ka bërë kryeministrin Rama të ndërpresë një çast fjalimin e tij para 1600 studentëve të Universitetit të Mjekësisë që u diplomuan sot.
Ndonëse ka qenë e vështirë për t’u kuptuar se çfarë thoshte personi që i ndërhynte Ramës teksa fliste, kjo pasi regjia uli zërin mikrofonit, dukej se ai ishte i revoltuar për situatën në vend.
Rama i është përgjigjur me batutë: “Është një individ, që të filloni ushtrimin e profesionit sapo të hidhni kapelen tuaj. Merreni dhe jepini recetën e duhur. Në kohën e kaq shumë barnave të rimbursueshme, i merr falas dhe nesër është i kthjellët”, tha Rama, dhe pas kësaj vazhdoi me fjalimin e përgatitur me këtë rast.
Në Pallati i Kongreseve u zhvillua ceremonia me 1600 studentë të Universitetit të Mjekësisë që morën diplomat sot. Rama thotë se në këto dy vite kemi punësuar rreth 400 mjeke dhe 2200 infermiere.
Por një ndërhyrje e dytë e ka bërë sërish kryeministrin të ndërpresë fjalimi dhe të japi përgjigjen për pyetjen e bërë.
“Pyetja që: A e dini që studentët që diplomohen sot janë vetëm të pasur, ka një përgjigje: që kjo është e pavërtetë, sepse studentët sot janë të trajtuar më mirë se dje, dhe jo vetëm kaq, por ata që janë të shkëlqyer janë një trajtim të posaçëm, sidomos ata që janë në vështirësi ekonomike”, tha Rama i cili përpara se ti jepte përgjigjen kësaj pyetje sërish tha: “Djalin e shoqëroni të marrë shërbimin e shpejtë mjekësor”./Fjala.al
