Presidenti Ilir Meta në një konferencë të jashtëzakonshme deklaroi se përplasja mes tij dhe drejtuesit të Këshillimit të Emërimeve në Drejtësi, Ardian Dvoranit tashmë do të përfundojë tek Struktura e Posaçme Antikorrupsion. Ndërsa nuk ngurroi të sulmojë as SPAK-un për të cilin tha se tani po bëhet presidenti hetues i SPAK-ut.
Në daljen e tij së bashku me përfaqësuesin ligjor të Presidencës Bledar Dervishi, Meta shpjegoi se ai toleroi të gjitha shkeljet e emërimeve të anëtarëve të Gjykatës Kushtetuese për hir të integrimit, pasi edhe pse nevojiteshin 12 kandidatë, mazhoranca dërgoi vetëm 6 duke anashkaluar edhe kompetencat e Presidentit, kompetenca që ia njeh edhe Kushtetuta.
Meta: Si president i Republikës po bëhem hetues vullnetar i SPAK-ut, pa pagesë dhe pa shpërblim.
E nxora z. Dervishi se mund të nxirrja edhe kolegë të tjerë, po z. Dervishi ka qenë në çdo mbledhje të Komisionit të Emërimeve në Drejtësi, nga e para dhe deri tek e fundit. Betohu para popullit shqiptar që po thua të vërtetën.
Bledar Dervishi: Edhe po të mos betohem unë i ka nxjerrë Dvorani të gjitha procesverbalet e mbledhjeve. Aty kemi qenë 100 për qind.
Ilir Meta: A ka ndonjë anëtar KED-je që mund të thotë se është mbledhur për të marrë një vendim të tillë.
Bledar Dervishi: Nuk besoj të ketë sepse anëtarët e KED-së e kanë mbyllur mbledhjen e tyre në datë 7.11.2019.
Ilir Meta: Unë i tolerova të gjithë shkeljet, sepse duhet të ishin 12 kandidatë për në Gjykatën Kushtetuese, jo 6 për 4. Po Presidenti i toleroi të gjitha këto, aman të plotësojmë të gjitha kushtet e Bundestagut dhe të BE-së.
