Në Kinë është bërë një zbulim tronditës sa i përket coronavirusit Covid-19. Autoritetet kanë deklaruar se edhe pas trajtimit mjekësor që marrin të infektuarit është zbuluar se coronavirusi nuk zhduket, por qëndron në trup.
Rasti i parë u identifikua në kryeqytetin Chengdu të rajonit Sichuan, te një person që mendohej se ishte shëruar nga virusi vdekjeprurës, por ekzaminimet treguan se te pacienti ndodhej sërish Covid-19.
Raste të ngjashme po raportohen edhe në rajone të tjera.
“Nuk duhet të jemi të qetë. Shifrat mund të rriten sërish”, ka deklaruar Cao Cianping, lideri i ekipit shëndetësor që lufton me coronavirusin.
Kjo situatë po paraqet problematik në Kinë për faktin se pacientët konsiderohen të shëruar, por fakti që virusi qëndron i fshehur në trupin e tyre ata nuk mund të dërgohen në shtëpi, ndërkohë që në spital vendet janë të kufizuara.
2247 persona është numri i personave që kanë humbur jetën si pasojë e këtij virusi, ku 2238 prej tyre janë në Kinë. Numri i të infektuarve ka tejkaluar 76.700.
