Ftohtë dhe diell! Ky do të jetë vijimi i motit për sot dhe dy ditët në vazhdim ndërkohë që temperaturat gjatë natës dhe orëve te para të ditës do të shkojnë në minus në pjesën më të madhe të vendit. Por nuk do të ketë reshje.
Sipas të dhënave të meteoAlb mbi vendin tonë, d të vijojnë kthjellimet. Mesdita dhe orët vijuese do të sjellin kthjellim gradual të motit në zonat e ulëta duke zhvendosur vranësirat përgjatë kufirit lindor.
Temperaturat e ajrit që konstatohen të ulëta në mëngjes, të cilat mbeten të pandryshuara në mesditë saktësohen se luhaten në vlerat ditore nga -4°C minimumi deri në 14°C maksimumi. Era do fryjë mesatare me shpejtësi deri 40 km/h nga drejtimi Verior-Verilindor duke krijuar në det dallgëzim 3 ballë.
