VIDEO-Mbetjet toksike nga Italia/Studentët në protestë: Megaskandal, të hetohet lidhja me qeverinë

113 563 lexime

124,178FansaPëlqeje

Një grup studentësh kanë protestuar në qytetin e Vlorës pas kapjes së lëndëve të rrezikshme, si amianti kancerogjen, në dhjetëra fuçi në bordin e një trageti të linjës Brindizi-Vlorë.

Ata mbanin në duar pankarta me mbishkrimin “mos na helmoni”. Studentët e kanë cilësuar këtë rast si një megaskandal dhe sipas tyre duhet parë lidhja që ka ky skandal me vetë qeverinë.

Çdo lajm tjetër, si çdo skandal tjetër i Rilindjes, duhet parë lidhja me qeverinë që ka ky megaskandal, ky veprim antishqiptar dhe anti njerëzor. Ju lutem të jemi të përgjegjshëm, mos të kalojë kjo gjë. Nëse shqiptarët do ta dinin se çfarë po ndodh, do të dilnin të gjithë. Ne jemi këtu sot për të sensibilizuar, thirrje të gjithë qytetarëve që të protestojnë”, thotë një studente.

Për rastin në fjalë, policia ka arrestuar deri më tani 6 persona,  ndër të cilët Zamir Kormuzi, pronari i firmës së grumbullimit të mbetjeve, Elisabeta Çuni administratore e firmës së mbetjeve, Arbër Çuni, shofer i furgonit, Kujtim Xhafellari, zëvendëskapiten i tragetit, Festim Tafa, kapiten i tragetit dhe 48-vjeçari me iniciale A.G.

LEXO EDHE: Si u fut në lojë mafia italiane/Kanë sjellë në Shqipëri edhe 15 herë të tjera lëndë të rrezikshme

Shqipëria duket se është shndërruar në një kosh të mbetjeve të rrezikshme për shëndetin e njerëzve.

Pas arrestimit nga policia të 6 personave në qytetin e Vlorës, të cilët po sillnin në Shqipëri 40 metër kub lëndë të rrezikshme përmes tragetit, të tjera detaje kanë dalë në dritë.

Policia gjeti në bordin e tragetit lëndë tejet të rrezikshme të cilat përmbajnë sasi të mëdha asbesti që janë tmerrësisht të dëmshme për shëndetin e njerëzve.

Por, kjo nuk është hera e parë që ka ndodhur me sjelljen e lëndëve të tilla në Shqipëri. Sipas mediave italiane, të paktën 15 herë janë transportuar drejt brigjeve shqiptare mbetje toksike të rrezikshme.

Shqipëria është shndërruar që pas viteve ’90 në një kosh mbeturinash të shumë vendeve të huaja, ndërsa kjo praktikë vijoi të bëhet e dukshme në vitin 2003, kur edhe vendi ynë ndaloi importimin e çfarëdolloj mbeturine.Në vitin 2012 policia shqiptare zbuloi disa tonë mbetje toksike, të cilat ishin importuar në mënyrë të paligjshme nga Italia drejt Shqipërisë.

Lexo edhe :  Berisha “forcon” partinë në terren, Noka koordinon aleatët për votat e Diasporës

Shumë prej mbetjeve në fjalë ishin bateri plumbi dhe ilaçe të skaduara. Një hetim i mëvonshëm zbuloi se disa sipërmarrës italianë kishin lidhje të ngushta me krimin e organizuar si dhe me persona të tjerë që ishin dënuar më parë për grumbullimin dhe groposjen e mbeturinave toksike.

Në territorin shqiptar, shumë ndërmarrje italiane kanë punuar për vite me radhë për grumbullimin dhe groposjen e mbeturinave.

Megjithatë, shumë ekspertë të industrisë së mjedisit kanë ngritur dyshimet se këto biznese përdoren shpesh si mburojë për biznesin e paligjshëm të importimit dhe groposjeve të mbetjeve toksike në Shqipëri.

Ish-senatori i Italisë, Lorenzo Diana dhe njëherësh ekspert i veprimtarisë mafioze shpjegoi vite më parë, se si mafia italiane hyri në lojën e eksportit të mbetjeve toksike në Shqipëri.

Sipas Dianës, kjo lëvizje e mafias italiane, erdhi për faktin se agjencitë e zbatimit të ligjit në Itali po goditnin në mënyrë të vazhdueshme aktivitetet e paligjshme të mafias italiane mbi tregtinë e mbetjeve toksike.

Në këtë mënyrë, mafia italiane gjeti një treg tjetër, siç ishte ai shqiptar, ku shteti ishte më i dobët dhe për pasojë veprimtaria e tyre do të lulëzonte.

Kjo u dëshmua edhe dje kur në qytetin e Vlorës, u arrestuan gjashtë persona me akuzën e transportit të mbetjeve toksike nga Italia.

Drejtuesi i tragetit përfundoi në pranga së bashku me drejtorët e dy ndërmarrjeve shqiptare, të quajtura “Delfini 1” dhe “Komuzi”.

Mediat italiane bëjnë me dije se këto dy kompani kanë kryer më parë të paktën 15 importe nga Italia drejt territorit shqiptar.

Sipas mediave italiane, materiali po transportohej sikur ishin lëndë për pastrim kimik të porositur nga kompania shqiptare “Delfini 1”.

Çështja tashmë i ka kaluar Strukturës së Posaçme Antikorrupsion (SPAK), e cila do të hetojë rastin për të nxjerrë në dritë të gjitha fijet që lidhin të arrestuarit me mafian italiane dhe biznesin e paligjshëm të mbetjeve toksike që rrezikojnë jetën e shqiptarëve./Fjala.al/

Të fundit

Pesë këshilla që duhet të zbatoni nëse dëshironi të keni gjumë cilësor dhe të qetë

Nëse keni vështirësi për të fjetur ose zgjoheni shumë herët, filloni me këto pesë zakone të thjeshta të shëndetshme...

“Nuk ka karta për të luajtur”/ Trump akuzon Zelensky-n si pengesë për paqe

Ish-presidenti amerikan, Donald Trump, ka kritikuar ashpër presidentin ukrainas Volodymyr Zelensky për qëndrimin e tij ndaj Krimesë, duke e quajtur atë një pengesë serioze...

U gjobitën nga BE me 700 milionë euro, Apple dhe Meta “bëjnë rezistencë”: E padrejtë

Bashkimi Evropian urdhëroi gjigandët e teknologjisë Apple dhe Meta që të paguajnë së bashkuë një shumë pre 700 milionë euro. BE lëshoi një gjobë prej...

Premtimi i PS për pasaportën evropiane/ Integrimi mund të përmbyllet brenda dy vitesh!

Ministri i Ekonomisë, Kulturës dhe Inovacionit, Blendi Gonxhja, njëherazi kandidat për deputet në listën e hapur të Partisë Socialiste në Tiranë, deklaroi në një...

Kryeministri francez në telashe/ E bija boton librin ku rrëfen dhunën që pësoi në shkollë

Vajza e kryeministrit francez ka pohuar se është dhunuar në një shkollë dhe që babai i saj akuzohet se e ka injoruar gjatë kohës...

Lajme të tjera

Web TV