test

Skandali me mbetjet në Orikum ende pa zgjidhje përpara sezonit turistik

113 563 lexime

124,178FansaPëlqeje

Skandali mjedisor në kryqëzimin e rrugës së Orikumit me ByPassin e Vlorës, nyjen kryesore që të çon në plazhet e bukura të jugut të vendit, i denoncuar një ditë më parë nga media, nuk pritet të marrë zgjidhje para sezonit turistik.

Tv Klan është interesuar pranë pushtetit vendosur në Orikum se kur do të hiqet pirgu me plehra buzë rrugë që të çon në plazhet e bukura të jugut.

Gazetarja Pamela Dhima në një lidhje direkte për edicionin e lajmeve në Tv Klan, na ka njohur me qëndrimin e drejtuesve lokalë.

Pyetje: A janë në dijeni autoritetet lokale për gjendjen skandaloze të pirgut me plehra që ndodhen buzë rrugës ku kalojnë milionë turistë?

Pamela Dhima: Po bëhen më shumë se 20 vite që kjo rrugë që lidh Njësinë Administrative të Orikumit me ByPassin e Vlorës, tashmë është kthyer në një vendgrumbullim sa i përket mbetjeve urbane. Kjo është një pamje skandaloze që duhet të përballen çdo ditë jo vetëm ata që kalojnë këtu, por të gjithë vizitorët që zgjedhin të shkojnë në jug përgjatë sezonit turistik. Unë vetëm pak minuta më parë, kam pasur një bisedë telefonike me kreun e Njësisë Administrative të Orikumit, Selim Haskoçela, i cili më ka komunikuar se prej vitit 2019 që gjendet në këtë detyrë, ka bërë shkresa dhe kërkesa të shumta drejtuar Ministrisë së Mjedisit edhe Bashkisë së Vlorës, por duket se deri më tani nuk është marrë asnjë masë. Kërkesat kanë qenë të shumta edhe për zhvendosjen e këtij vendgrumbullimi në një vend të posaçëm që nuk sjell asnjë rrezikshmëri për banorët dhe për mjedisin deri në përfundimit të landfillit të Sherishtës, por duket se deri më tani nuk është marrë asnjë masë dhe nuk ka ardhur ansjë përgjigje sa i takon katastrofës që ndodhet në një rrugë kryesore.

Pyetje: Qoftë nga komunikimi që ke pasur me drejtuesin e Njësisë Vendore të Orikumit, por nuk e di nëse ke informacione dhe nga Bashkia e Vlorës nëse ka një plan për pastrimin e kësaj zone për heqjen e mbetjeve para sezonit turistik?

Pamela Dhima: Duket në fakt, dhe këtë e pohoi dhe kreu i Njësisë Administrative të Orikumit pak minuta më parë, duket se edhe ky sezon turistik do ta gjejë këtë rrugë me të tillë pamje skandaloze. Më është pohuar nga kreu i Njësisë Administrative që nuk ka marrë asnjë përgjigje dhe ishte thuajse i bindur se edhe ky sezon turistik do ta gjejë këtë rrugë që lidh Orikumin me ByPassin e Vlorës në këtë gjendje skandaloze me këtë pamje që ju jeni duke i parë në këto momente./O.S

Të fundit

Formacionet zyrtare të sfidës Poloni-Holandë, Lewandowski e nis sfidën nga stoli

Poloni-Holandë çelin raundin e parë të Grupit D në EURO2024, me sfidën që nis në orën 15:00 dhe që...

Ndërtimi i minierës së litiumit, Financial Times: Vuçiç jep dritën jeshile

Presidenti i Serbisë, Aleksandar Vuçiç, është duke u përgatitur t’i japë Rio Tintos dritën jeshile për ndërtimin e minierës më të madhe të litiumit...

10% më të lartë se mesatarja, ja kush është shteti me refuzimin më të lartë të vizave

Sipas një studimi të Henley & Partners, Afrika përballet me normat më të larta të refuzimit të vizave për zonën Schengen në Evropë, me...

Bajrami: “Dhamë maksimumin tonë, tani duhet të mendojmë për ndeshjen ndaj Kroacisë”

Nedim Bajrami shënoi golin më të shpejtë në historinë e Kampionateve Europiane, pas vetëm 23 sekondash lojë ndaj Italisë, por pavarësisht kësaj, kuqezinjtë dolën...

Samiti i Paqes për Ukrainën, Spiropali takohet në Zvicër me zv.Presidenten e SHBA-ve

Ministrja e Shtetit për Marrëdhëniet me Parlamentin, Elisa Spiropali është takuar me Zv.Presidenten e Shteteve të Bashkuara të Amerikës, Kamala Harris. Takimi është zhvilluar në...

Lajme të tjera

Web TV