Rektori i Universitetit të Mjekësisë Arben Gjata, thotë se tashmë që koronavirusi është shumë pranë vendit tonë, apeli i parë për këdo është kujdesi dhe solidariteti.
Përmes një postimi të shkurtër në Facebook, Gjata shkruan se profesionistët e shëndetit duhet t’u bëjnë jehonë rekomandimeve të specialistëve të fushës, ndërsa shton se çdo koment i papërgjegjshëm që përhap panik është shkelje e rëndë e kodit etik.
“Koronavirusi pranë nesh!
Apeli i pare është kujdesi dhe solidariteti!
Ndihma më e madhe që mund të japin profesionistët e shëndetit është t’u bëjnë jehone rekomandimeve të specialisteve të fushës.
Çdo koment i papërgjegjshëm i profesionisteve të shëndetit, që ngjall panik në popullate, është shkelje e rëndë e kodit etik dhe betimit të Hipokratit. Paniku është po aq i rrezikshëm sa epidemia!
Koronavirusi nuk është as i djathte e as i majtë!
Në fund, në se epidemia do te shfaqet, do te jemi të gjithë të nevojshëm, në ballë të një beteje tjetër për Jetën”, shkruan mjeku Arben Gjata.
