E ardhmja e Mauro Icardit, nëse do të qëndrojë te PSG-ja apo do rikthehet te Interi nuk dihet ende.
Sulmuesi u huazua te kampioni francez nga Interi deri në fund të këtij sezon, por PSG ende nuk ka vendosur për blerjen përfundimtare të tij. Për këtë arsye shume klube të tjera janë duke shfaqur interes për të.
Juventus dhe Chelsea kanë shfaqur interes të madh dhe duket se ai nuk ka të ardhme te Interi, pasi trajneri Antonio Conte nuk e pëlqen argjentinasin.
Sipas “The Sun” londinezët janë duke monitoruar situatën e lojtarit dhe janë gati që të shpenzojnë 70 milionë euro për të në verë.
Frank Lampard do që ta ketë në skuadër dhe ka dhënë dritën e gjelbër për transferimin e 27-vjeçarit.
Ndonëse nuk është një titullar i rregullt te Parisi, në 28 ndeshje Icardi ka shënuar 19 gola dhe ka bërë katër asistime./Fjala.al/
