Drejtori i Departamentit për kufirin dhe emigracionin në Policinë e Shtetin Eduard Merkaj bën të ditur masat që ka marrë policia e shtetit dhe të gjitha pikat e kalimit kufitar në lidhje me coronavirusin. “Nëse do të flasim për pjesën e Aeroportit e Rinasit, kemi një numër të shtuar personeli, janë përcaktuar korridoret për linjat me risk, apo shtetet me risk, ku kryhen edhe kontrollet.
Masë shtesë janë marrë edhe në lidhje me trajnimin e përbashkët me të gjithë punonjësit e policisë, që nga masa parake deri në etapën e fundit, kontrolli nga mjekët. Janë përgatitur pyetësore për të marrë informacionin e duhur për ata shtetas që vijnë nga vende ku është shfaqur coronavirusi. Masat nuk janë marrë vetëm në Rinas por edhe në të gjithë pikat e kalimit kufitar. Në vijim të masave shtesë kemi bërë takime edhe me shoqatat e udhëtarëve, të cilat na vënë në dispozicion listën e udhëtarëve dhe vendet nga vijnë. Për këtë periudhë nuk ka rezultuar asnjë rast”-tha Merkaj.
