Shpërthimi i fuqishëm që ndodhi mëngjesin e sotëm në qytetin e Elbasanit, u dyshua fillimisht se ishte tritol por më pas rezultoi se kishim të bënim me një shpërthim të dy paneleve diellore.
Të paktën ky është versioni që jep policia e cila ka konstatuar se prej nga kishte ardhur shpërthimi.
Sipas policisë, e cila mbërriti në vendngjarje pas lajmërimit për shpërthim të mundshëm tritoli, nuk ka qenë asgjë tjetër veçse shpërthim i dy paneleve diellore.
Policia sqaron se panelet diellore kanë pësuar defekt teknik dhe për pasojë kanë shpërthyer duke shkaktuar vetëm dëme materiale.
