Autori i ngjarjes së rëndë që ndodhi mbrëmjen e sotme në Rrëshen, u arrestua tri vite më parë për dhunë në familje.
Fatmir Kolecaj 46 vjeç është ish-bashkëshorti i Esmeralda Filopatit, 36-vjeçares që u vra bashkë me vëllain e saj Vledisonin në oborrin e banesës së tyre.
Kolecaj nga fshati Zejmen i Lezhës, mbante vazhdimisht armë në shtëpi.
“Ky shtetas ka ushtruar dhunë fizike e psikologjike, në mënyrë të përsëritur e në prezencë të fëmijëve, si dhe duke e kërcënuar me një armë zjarri, bashkëshorten e tij.
Gjithashtu, gjatë kontrollit të ushtruar, iu gjet një armë zjarri pushkë model 56 me 11 fishekë brenda në pushkë, të cilat u sekuestruan në cilësinë e provës materiale.
Materialet procedurale i kaluan Prokurorisë së Rrethit Gjyqësor Lezhë për veprën penale “Dhuna në familje”, “Prodhim dhe mbajtje pa leje e armëve luftarake dhe municionit” njoftonte policia më 13 korrik të vitit 2017.
