Kryeministri Edi Rama ka komentuar në rrjetet sociale situatën rreth koronavirusit.
Kreu i qeverisë thotë se nuk ka vend për panik. Përmes një video ku pasqyrohen këshilla, Rama shton se duhen shmangur ‘telebroçkullat’, referuar kështu lajmeve.
Rama e bëri komentin nga Moska, kryeministri ynë ndodhet atje në cilësinë e kreut të OSBE.
“Nuk ka vend për panik!
Ju lutem ndiqini këto këshilla të thjeshta të miratuara nga organizata botërore e shëndetësisë dhe shmangni sa më shumë telebroçkullat dhe dixhidokrrat që ushqejnë ankthin e panikun.
Deri në këtë moment që komunikojmë nuk kemi asnjë rast të koronavirusit, por nëse në ditët a javët në vijim do të duhet ta përballim, jini të sigurt se do ta kalojmë edhe këtë flamë. Sëbashku” – shkruan Rama në Facebook.
