Rregullat e sigurisë rrugore, Balluku: Edukimi i fëmijëve thelbësor

113 563 lexime

124,178FansaPëlqeje

Ministria e Infrastrukturës dhe Energjisë  ka organizuar projektin “Këndi lëvizës i Trafikut”, përmes Drejtorisë së Përgjithshme të Transportit Rrugor, në kuadër rritjes së sigurisë rrugore. Kjo nisëm ka për qëllim edukimin dhe nxitjen e fëmijëve për të pasuruar njohuritë lidhur me rregullat e trafikut rrugor.

Shkolla “Konferenca e Pezës” në Tiranë ishte ndalesa e radhës e kësaj nisme, ku nxënësit u bënë pjesë e aktiviteteve të zhvilluara. Ministrja e Infrastrukturës dhe Energjisë, Belinda Balluku, ju bashkua këtij aktiviteti, teksa ndau me fëmijët rëndësinë që ka njohja me rregullat e qarkullimit rrugor dhe respektimi i tyre.

Viti 2020 është shpallur viti i sigurisë rrugore dhe ne zgjodhëm shkollën “Konferenca e Pezës” për të ndarë me fëmijët të gjitha rregullat e trafikut rrugor. Duke mësuar fëmijët që në moshën e hershme me rregullat e trafikut rrugor, me ndjeshmërinë e tyre përsa i përket gjithçkaje që ndodh në rrugët e vendit, ne do të rrisim qytetarë më të mirë, qytetarë që nesër nuk do të bëjnë aksidente në rrugët e Shqipërisë, qytetarë që do të jenë të kujdesshëm kur kalojnë në semafor, apo qytetarë që do rrisin fëmijë edhe më të mirë nga këta që ne po rrisim sot”, u shpreh Balluku.

Vetë kurioziteti dhe dëshira e fëmijëve për t’u njohur sa më shumë me këto rregulla janë një shtysë e fortë që kjo nisëm të shtrihet edhe në shkollat e tjera të Tiranës, por edhe të Shqipërisë.

Stafi pedagogjik i shkollës “Konferenca e Pezës” është një staf i shkëlqyer dhe shumë mbështetës përsa i përket këtij projekti kaq të rëndësishëm për sigurinë rrugore. Fëmijët janë shumë të interesuar dhe ndoshta klasa të tilla, jashtë shkollore, mund të zhvillohen dhe në ditët në vazhdim. Ne jemi të kënaqur nga pjesëmarrja, fëmijët ishin entuziastë, kanë kërkuar që të kenë informacione dhe më tepër përsa i përket trafikut rrugor, akseve rrugore në Republikën e  Shqipërisë, por sigurisht dhe sigurisë rrugore e cila është çështje kryesore të cilën ne po trajtojmë në të gjitha shkollat e Tiranës”, nënvizoi Balluku.

Lexo edhe :  "Na duhet një flotë ajrore efektive", Lapaj thirrje qeverisë për situatën në Delvinë

Ministrja e Infrastrukturës dhe Energjisë, falënderoi Bashkinë e Tiranës për mbështetjen e dhënë në këtë nismë, si dhe partnerët e tjerë, Kryqi i Kuq dhe Auto Club Albania. Projekti i Sigurisë Rrugore, “Këndi lëvizës i Trafikut”,  është zhvilluar më herët edhe në 5 shkolla të tjera të Tiranës ndërsa pjesë e tij janë bërë afro 600 fëmijë të grupmoshës 8 – 12 vjeç.

Të fundit

Australia ndalon Youtube për të mbrojtur fëmijët nën moshën 16 vjeç

Faqja e internetit YouTube do të përfshihet në listën e rrjeteve sociale që do të ndalohen në Australi për...

Rama për revistën gjermane: Në familje më kritikojnë më shumë se opozita

Edi Rama ishte basketbollist, artist dhe sot është kreu i qeverisë së Shqipërisë. Një bisedë rreth karrierës së tij të pazakontë, pushtetit dhe gruas...

Tragjedia në Ujman, debate për çështjen e sigurisë në urë

Në urën e liqenit të Ujmanit duhej të vendosej një shenjë që ndalon hedhjen nga ura. Kështu thotë eksperti i komunikacionit, Bekim Ahmeti. Çështja e...

Rama për fëmijërinë gjatë komunizmit: Nuk kishim shumë, por…

di Rama ka dhënë një intervistë për Stephan Lebert dhe Stefan Willeke publikuar në median gjermane “Die Zeit” ku është pyetur edhe për fëmijërinë...

Zjarret në Ballkan, mijëra hektarë tokë në flakë

Gjatë dhjetë ditëve të fundit, shumë zona në Bullgari janë përfshirë nga flakët. Popullsia po njoftohet për zjarret përmes aplikacionit "BG Alert". Deri tani...

Lajme të tjera

Web TV