Një person i cili kishte problem me insuficiencën respiratore mësohet se ka ndërruar jetë në orët e mbrëmjes në spitalin Nënë Tereza në Tiranë.
Pacienti ishte sjellë me urgjencë nga Skrapari dhe sipas mjekëve kishte paraqitur probleme pulmonare. Mosha e tij mësohet se ishte 45 vjeç. Mjekët nuk e kanë cilësuar rastin si një rast të thjeshtë viral sepse siç shprehen ata, analizat paraprake nxorën një problem të theksuar pulmonar dhe për këtë arsye rasti është dërguar me urgjencë dhe me autoambulancë në QSUT.
Por ndërhyrja për jetën e tij ka qenë tejet e vonë e për pasojë i sëmuri ka ndërruar jetë. Ndoshta edhe largësia për ta sjellë në spital ka qenë e madhe e si duket autoritetet nuk e kanë vlerësuar sa duhet rastin duke mos nisur një mjet nga ajri.
Sipas të dhënave rasti i 45-vjeçarit nga Skrapari nuk ka të bëjë me virozat e stinës e aq më tepër me virusin që sipas tyre janë marrë të gjitha masat për ta parandaluar. Ndonëse asnjë e dhënë nuk vjen se si mund të parandalohet koronavirusi, autoritetet janë shprehur optimistë për sa i përket përballjes me situatën që ka tronditur gjithë botën e së fundmi edhe Italinë. n.k/Fjala.al/
