Në opinionin publik më së shumti njihet si “Gjyqi i kafeve”. Procesi penal për Nexhmije Hoxhën u hap në Tiranë më 8 janar 1993. Gjyqet ndaj Ramiz Alisë, Nexhmije Hoxhës dhe gjithë ish-udhëheqjes së lartë komuniste që kishte sunduar vendin për afro gjysmë shekulli mbartnin measazhe dhe nëntekste të pazbërthyera plotësisht.
Ish kryeministri Aleksandër Meksi thotë se Nexhmije Hoxha dhe pjesa tjetër e zyrtarëve të lartë të Partisë së Punës, që u çuan në bankën e të akuzuarve, u dënuan për genocid, për internime, për burgime, për vrasje në kufi.
Në një intervistë të gjatë dhënë gazetarit Leonard Veizi dhe publikuar në “Tema Tv” më 12 dhjetor 2014 por dhe në gazetat “Tema”, “ResPublica”, “Dita” e “Panorama”, Aleksandër Meksi thotë: “Nexhmije Hoxha nuk kishte funksion zyrtar prandaj u gjetën shpërdorimet ose një formë jo e rregullt… Për fat të keq, po të lexosh, = edhe ju gazetarët kur shkruani për arrestimet e asaj kohe mund t’i gjeni te gazeta “Minerva” online, – se përse janë dënuar ata. Janë dënuar për genocid, për internime, për burgime, për vrasje në kufi ,dhe një pjesë e ministrave të Brendshëm, edhe për prishjen e dosjeve. Pra mendoj se është e domosdoshme që opinioni publik të informohet, që t’i thuhet e vërteta dhe këto të vërteta të dokumentohen”.
Pyetjes së gazetarit Leonard Veizi se: “Nomenklatura komuniste, në fakt e arriti qëllimin dënimi i përfaqësuesve të saj?”, ish kryeministri Meksi do t’i përgjigjej shkurt: “Nuk ka qëllim, pasi dënimi është dhënie e drejtësisë”.
