Manchester City u dënua nga UEFA me pezullim nga çdo kompeticion i Europës për plot dy vite, për shkak se akuzohet për thyerje të rregullave të “Fair Play Financiar”.
Ky vendim i UEFA-s u cilësua i padrejtë nga klubi anglez, i cili vendosi që ta dërgonte çështjen te Gjykata e Arbitrazhit Sportiv, CAS, për të hequr këtë dënim.
CAS ka dhënë sot një lajm të mirë për “Citizenët” pasi ka njoftuar se do të rishqyrtojë provat e dhëna nga City dhe ka nisur hetimin për këtë dënim.
Momentalisht Manchester City është në pritje të një përgjigje, teksa pozitive është fakti që CAS ka pranuar të rishqyrtojë dënimin e dhënë nga UEFA./Fjala.al/
