Kryetari i Partisë Demokratike, Lulzim Basha ka reaguar me situatën e rëndë që ka përfshirë Shqipërinë, ku gratë po vriten njëra pas tjetrës.
Kryedemokrati Lulzim Basha, thekson se ngjarja e mbrëmshme në Rrëshen që i mori jetën Esmeralda Filopatit nënë e tre vajzave dhe vëllait të saj Vledisonit, duhet të na bëjë të gjithëve të reflektojmë dhe të ngrihemi me forcë kundër fenomenit të dhunës në familje për të mbrojtur nënat dhe vajzat.
Basha shton se vendi ka nevojë për një shtet serioz për të shmangur këto drama.
“Jam shumë i tronditur nga vrasja brutale e Esmeralda Filopatit, nënë e tre vajzave dhe vëllait të saj Vledisonit. I dyshuari kryesor, ish-burri i viktimës, ka qenë më parë në burg për dhunë në familje dhe e ka kërcënuar atë vazhdimisht. Shteti dhe shoqëria duhet të ngrihet me forcë kundër fenomenit të dhunës në familje për të mbrojtur vajzat dhe nënat nga këto krime monstruoze. Shqipëria ka nevojë për shtet serioz dhe dënime të ashpra për të shmangur këto drama të dhimbshme. Mendimet dhe lutjet e mia dhe të familjes time janë me familjen Filopati dhe miqtë e të afërmit e viktimave”, shkruan Basha.
