David Beckham dëshiron që të marrë emra të mëdhenj të futbollit evropian siç janë Lionel Messi e Cristiano Ronaldo te skuadra e Inter Miami në Amerikë.
Pronari i klubit të Inter Miami njëkohësisht legjenda e futbollit anglez, Beckham, do të startojë këtë sezon në MLS dhe për këtë arsye ai do që të marrë emra të mëdhenj te klubi i ri.
Ndonëse në moshën në të cilën ndodhen Messi e Ronaldo duhet ta mbyllin karrierën e tyre futbollistike, forma që po tregojnë është ende e lakmueshme dhe nuk do ishte habi nëse një ofertë e lartë do i bënte që të kalonin në futbollin amerikan.
Nga studio e emisionit “Tonight Show” me Jimmy Fallon, Beckham dha disa informacione interesante.
“Ne jemi kontaktuar nga shumë lojtarë të ndryshëm me mundësi që të vijnë për t’u bashkuar me ekipin. Si çdo pronar, edhe unë dëshiroj lojtarët më të mirë dhe nëse kemi mundësinë të sjellim lojtarë si Cristiano ose Leo Messi, që unë kam admirim të madh për lojtarë si ata. Nëse ne mund t’i sjellim këta lojtarë, atëherë është e shkëlqyeshme”,-u shpreh David Beckham.
Emra të njohur si Zlatan Ibrahimovic, Wayne Rooney, Steven Gerrard dhe Frank Lampard kanë luajtur në MLS./Fjala.al/
