Kombëtarja e futbollit e 16-vjeçarëve që drejtohet nga trajneri Elvin Beqiri humbi ditën e sotme takimin e dytë të vlefshëm për turneun që është duke u organizuar në vendin tonë “UEFA Development Tournament U-16”.
Përfaqësuesja kuqezi u mposht nga Gjeorgjia me penallti, pasi në kohë të rregullt u mbyll me barazimin 1-1.
Ky takim u zhvillua në Qendrën Sportive në Kamëz dhe pjesa e parë u mbyll me avantazhin e gjeorgjianëve. U-16 kuqezi arriti që të barazonte në minutën e 94-t të lojës, por më pas u mposht nga penalltitë me rezultatin 4-3.
Takimi i fundit i UEFA Development do të zhvillohet në datën 1 mars ndaj Algjerisë, në orën 14:00, po në Qendrën Sportive Kamëz./Fjala.al/
