Nëse keni marrë disa gjoba dhe keni përfunduar në komisione, puna juaj me Policinë nuk do të përfundojë me kaq. Në ndryshimet e reja të Kodit Rrugor do të përfshihet edhe “Testi i idiotit”.
Kjo vizitë mjekësore te psikologu do të jetë e detyrueshëm për të gjithë shoferët që kryejnë shkelje të rënda në rrugë dhe që i kanë të përsëritura.
“Për shkelje të rënda të normave të sjelljes të përsëritura gjatë drejtimit të mjetit, Policia e Shtetit detyron drejtuesin e mjetit të kryejë vizitë mjekësore (test psikologjik) për të dëshmuar aftësitë e tij, për lejimin e mbajtjes dhe përdorimit të lejes së drejtimit”, thuhet në draftin për ndryshimet në Kodin Rrugor.
Pasi të kryeni testin te psikologu, ky i fundit do të japë rekomandimin nëse duhet ose jo t’i hipni sërish makinës si shofer.
Ndryshimet në Kodin Rrugor parashikojnë masa të tjera drastike: Kodi Rrugor, masat e reja drastike, 3-fishohen gjoba
