Është përmbyllur procesi i numërimit të votave për anëtarët e rinj të Asamblesë Kombëtare të Partisë Socialiste. Pjesëmarrja në votime ishte 85.3%, thënë ndryshe votuan 1242 delegatë nga 1456 të tillë.
Ndër emrat më të spikatur janë emrat e dy ish-kryebashkiakëve, ai i Elbasanit dhe i Durrësit të cilët janë rizgjedhur sërish të jenë në asamblenë e Kombëtare të PS. Sipas të dhënave Vangjush Dako dhe Qazim Sejdini janë dy personat që janë zgjedhur më me shumë vota për qarqet e tyre.
Po ashtu ajo që bie në sy sërish në këtë asamble është edhe përfshirja e vajzave dhe e grave nga i gjithë vendi. Kryesisht numri i rritur i femrave të përfshira në asamble janë nga PS-ja e qarqeve të veriut.
Sipas të dhënave këto votime treguan edhe një herë rritjen e përfaqësisë së vajzave dhe grave në strukturat e partisë, të cilat do të përbëjnë 45.2% të Asamblesë Kombëtare.
