Edi Rama kërkoi një mandat të tretë. Ai iu bëri thirrje të gjithë elektoratit të vet se i duheshin 800 mijë vota se i duhej edhe një mandat tjetër. Kërkesa ka bërë që sot të reagojë në faqen e vet Partia Demokratike me një status 4 rreshtash!
Partia Demokratike thotë se Rama akuzon bashkimin Europian por dhe vetë shqiptarët për largimin, por në fakt fajin e vetëm e ka ai që e barazoi Shqipërinë me vendet në luftë për nga numri i lartë i shqiptarëve azilkërkues.
Sipas PD zgjidhja e vetme e këtij fenomeni janë zgjedhjet e lira dhe se për Ramën nuk duhet të ketë më një mandat të tretë. Reagimin PD e ka bërë në faqen e saj në Facebook në të cilën theksohet: “Në 2 mandatet e Edi Ramës kryeministër më shumë se 300 mijë shqiptarë u larguan nga vendi. Me korrupsion, krim, arbitraritet, papunësi dhe injorancë, Edi Rama e barazoi Shqipërinë me vendet që janë në luftë për nga numri i lartë i shqiptarëve azilkërkues në Bashkimin Europian.
Poshtërsi është të mohosh këtë të vërtetë, duke bërë me faj herë Bashkimin Europian, herë shqiptarët që ikin se nuk pajtohen me qeverisjen e keqe të Edi Ramës. Kjo do të marrë fund me votë të lirë! Për Edi Ramën nuk do të ketë më një mandat të tretë! Për Shqipërinë nuk do të ketë më eksod!”
Kryeministri Rama u shpreh i vendosur në kongresin e PS se socialistët do të marrin 800 mijë vota për mandatin e tretë, për të cilin tha se duhet të punohet shumë më shumë dhe se deputetët socialistë duhet të komunikojnë me qytetarët që i kanë votuar për të qeverisur! n.k./Fjala.al/
