Artisti dhe aktori i mirënjohur Neritan Liçaj ka hapur manifestimin e thirrur nga Presidenti Ilir Meta. Një nga mbrojtësit më të zjarrtë të Teatrit, Liçaj tha se ky tubim është në mbrojtje të Kushtetutës së Republikës së Shqipërisë.
Duke folur nga foltorja e Presidencës, që Meta ka nxjerrë në bulevard aktori u shpreh se manifestimi është kundër grushtit të shtetit dhe rrëzimeve të institucioneve në Shqipëri.
“Në mbrojtje të Kushtetutës, në mbrojtje të lirisë, në mbrojtje të atdheut tonë të dashur Shqipëri. Ky manifestim madhështor është fronti më i madh kuq e zi kundër grushtit të shtetit dhe rrëzimit të institucioneve në Shqipëri”, tha Liçaj./Fjala.al/
