Mazhoranca qeverisëse ka sulmuar presidentin e vendit Ilir Meta mbi protestën e ditës së sotme të paralajmëruar prej këtij të fundit, i cili e ka cilësuar manifestimin e 2 marsit si Besëlidhja e re.
Kështu, ministrja për Shtetin dhe Marrëdhëniet me Parlamentin Elisa Spiropali me anë të një statusi në “Twitter” shprehet se Besëlikja nuk është as e re dhe as pranverore.
Sipas saj, BesëLikja është klithma e zullumit të së shkuarës që zien nga Reforma në Drejtësi.
“BesëLikja nuk është as e re as pranverore! BesëLikja është klithma e zullumit të së shkuarës që zien nga Reforma në Drejtësi. Është frika nga Besa e lidhur me SHBA/BE për ta bërë vendin Shtet të së Drejtës. Është rruga qorre e atyre që s’e duan rrugën e Shqipërisë Evropiane!”, shkruan Spiropali në Twitter.
