7 nxënës të shkollës ‘Janaq Kilica’ në Fier kanë përfunduar me urgjencë në spital. Mësohet se nxënësit kanë pasur probleme me frymëmarrjen.
Megjithatë, burime të tjera flasin për mbi 30 nxënës që janë dërguar në Spitalin e Fierit për të marrë ndihmën e parë mjekësore me anë të 6 autoambulancave.
Transporti i tyre është bërë edhe me anë të makinave private. Spitali është mbushur me nxënës të shumtë por edhe me familjarë të tyre, duke krijuar një situatë kaotike.
Kjo është hera e dytë që nxënësit shfaqin probleme me shëndetin në këtë shkollë, kur 1 javë më parë 6 nxënës u helmuan ndërsa ishin duke kryer eksperimente në laboratorin e Kimisë, po në të njëtën shkollë.
