Një nga banorët e Unazës së Re në zonën e Astirit, ku po prishen shtëpitë për t’i hapur rrugë projektit të ri, ka kërcënuar kryeministrin Edi Rama.
Duke folur për ndërhyrjen e policisë dhe IKMT-së për prishjen e banesave në këtë zonë, banori ka theksuar se ai do ta ndjekë këmba-këmbës Edi Ramën deri sa ta shohë para drejtësisë ose do të përgjigjet sipas tij, me Kanun.
“Nuk e kam me policinë, Edi Rama ti nuk do jesh kryeministër gjithmonë, kena me te ndjek hije mbrapa, e kemi personale, mua nuk më vjen asnjë dokument. A i keni mend në kokë o qytetarë? Të gjithë e keni në kokë. Ne nuk do shkulemi nga Unaza, nuk më del shpirti po nuk e pashë Ramën para drejtësisë, ose Kanunin, do e ndjekim këmba-këmbës atë dhe Veliajn. Ju them shqiptareve mos ikni ta lini këtë vend në dorën e komunistave surrugato. Ne po të ishim për të vra do kishim vra me qindra policë por nuk na e kanë faj këta mercenarë”, është shprehur banori.
Ndërkaq, ish-deputeti i PD Klevis Balliu ka qenë sot në zonën e Astirit ku kanë nisur prishjet e godinave për punimet në lotin dy të Unazës së Madhe. Ai ka theksuar se problemi i banorëve nuk është me policinë, por me qeverinë, ndaj edhe sot nuk ka pasur rezistencë të tyre ndaj uniformave blu.
“Banorët kanë pasur dy alternativa, njëra të bënin luftë e të vriteshin me këta oficerë policie, por nuk e ka as me policin e gazetarin, armiku i tyre është pushteti mriminal i Ramës dhe Veliajt, të përplasen me policë që të gjakosen që të fusin para në xhep Rama, absolutisht s’është e pranueshme dhe i përshëndes për këtë akt evropian se ata janë në të drejtën e tyre të ndërmerrnin çdo akt se po i vidhet prona, por ata zgjodhën të dokumentojnë se si sot qeverisë me dhunën policore po vjen e po shkatërron provat.
Ky projekt është sot në SPAK, në Prokurori, çfarë do hetojnë nëse shkatërrohen provat? Duhet të ndaloheshin punimet deri në përmbylljen e hetimeve.
Kësaj qeveria po i vjen fundi, banorët e unazës të ruajnë qetësinë, PD do u përgjigjet, do marrin lekët cent më cent, nuk po u bëjmë asnjë nder, koha e këtyre pushtuesve ka mbaruar s’do harrohet asnjë arrestim i paligjshëm, as një fëmijë që është marrë zvarrë nga kjo polici e droguar e inkriminuar që deri dje mbillnin kanabis”, përfundoi Balliu.
