Detaje të reja dhe shumë të rënda kanë dalë mbi ngjarjen e ndodhur në Përmet ku u përdhunua një 19-vjeçare.
Sipas detajeve që kanë dalë për këtë ngjarje, i dashuri i 19-vjeçares e shantazhonte atë me video intime për ta detyruar që të kryente seks me të, ndërsa më pas e ka përdhunuar bashkë me shokët.
Policia ka ndaluar 6 adoleshentë në orët e fundit në një operacionin për kapjen e këtyre shtetasve që akuzohen se kanë kryer marrëdhënie seksuale me vajza të rritura.
Operacioni i policisë ka ndodhur në Përmet dhe nuk ka ende një njoftim zyrtar. Urdhërndalimet janë lëshuar nga Prokuroria e Përmetit. Dy nga djemtë akuzohen për përdhunim, ndërsa katër të tjerët për ngacmim seksual, shkruan Panorama.
Gjithashtu mësohet se të rinjtë jetojnë në qytetin e Përmetit, ndërsa vajza nga fshati Goricë, njësia administrative Sukë. Djemtë janë të moshës 17- 18 vjeçare dhe ndalimi i tyre është bërë pas denoncimit që ka bërë vajza e abuzuar. Ata janë gjimnazistë në Përmet.
I dashuri i vajzës së abuzuar është i moshës 18 vjeç dhe prej kohësh e kërcënonte me një video intime e më pas me shokët e tij e përdhunoi. Ndërsa abuzimi seksual nga dy djemtë me vajzën ka ndodhur dje rreth orës 18:00.
