Një nxënëse e gjimnazit ‘Janaq Kilica’ e cila përfundoi në spitalin paraditen e sotme ka trembur të gjithë prindërit se mos po përsëritej rasti i helmimit ashtu si ai i djeshmi. Për këtë arsye, prindërit kërkuan që të nxirren të gjithë fëmijët e tyre jashtë shkollës.
Nga ana e saj, ka reaguar drejtorja e zyrës Arsimore, Yllka Beci gjatë tensionit të krijuar para shkollës tha se vajza ishte shtatzënë, por kjo deklaratë është mohuar nga prindërit e nxënëses, jashtë kamerave.
“A mund të të them diçka si nënë dhe grua para kamerave? Me kamera do ta them. Se vajza është shtatzënë, pati probleme dhe e nisëm në spital. Po është shtatzënë”, është shprehur ajo.
Paraditen e sotme para dyerve të këtij gjimnazi kanë mbërritur dy ambulanca si dhe familjarët e tyre pasi menduan se mund të ndodhte ndonjë ngjarje si ajo e ditës së mërkurë.
Nga ana e tyre prindërit kanë kërkuar që të nxirren jashtë të gjithë nxënësit pasi i frikësohen një helmimi tjetër. Ata kanë tentuar të hyjnë me forcë brenda në shkollë duke kërkuar të dalin të gjithë nxënësit nga mësimi dhe dëgjohen teksa ulërinin.
Por, sipas drejtoreshës së Zyrës Arsimore në Fier, Yllka Beci vajzës i kishte rënë të fikët pasi është shtatzënë. Por, kjo gjë është mohuar direkt nga prindërit.
