IKMT ka nisur që në mëngjes prishjen e banesave në Unazën e Re. Ndërkaq, policia ka devijuar trafikun për mbarëvajtjen e aksionit të IKMT-së e cila do të prishë rreth 20-30 banesa gjatë ditës së sotme.
Nga ana e tyre banorët nuk kanë krijuar asnjë lloj rezistence ndaj policisë dhe punonjësve të IKMT-së ndryshe nga sa ka ndodhur herët e tjera.
Në krye të banorëve ndodhet edhe ish-deputeti i Partisë Demokratike, Klevis Balliu. Mësohet se banorët janë lajmëruar që në datë 17 shkurt për të liruar banesat e tyre, pasi në këtë vend është projektuar ndërtimi i Unazës së Madhe.
Opozita e denoncoi si këtë projekt, si korruptiv, ku sipas saj, 1 kilometër rrugë kushtonte 20 milion euro. Nga ana tjetër, banorët janë terrorizuar vazhdimisht nga policia, në rastet kur këta kanë dalë kundër prishjes së banesave të tyre duke u përplasur me uniformat blu.
