Lideri i Partisë Demokratike Lulzim Basha ka akuzuar direkt kryeministrin Rama se po zbraz Shqipërinë.
Në një postim në Twitter, kreu i PD-së ka publikuar një grafik ku tregohet se gjatë vitit 2019 janë rritur kërkesat e shqiptarëve për azil.
“Sa kohë ky njeri drejton Shqipërinë, aq kohë shqiptarët do zbrazin vendin e të parëve. Keqqeverisja e këtij KM që vret shpresat e qytetarëve, është arsyeja për këtë rekord botëror të zi në emigracion. Është koha për të reaguar. Zbrazja e Shqipërisë është akt tradhtie kombëtare!”, shprehet Basha.
Sipas të dhënave të fundit të Zyrës Evropiane të Mbështetjes së Azilit, Shqipëria renditet në 10 vendet kryesore të origjinës së azilkërkuesve.
Zyra Evropiane thekson se gjatë vitit 2019 Shqipëria ka shënuar numrin më të lartë të azilkërkuesve, duke u renditur kështu në vendin e parë me 59 aplikime për çdo 10 mijë banorë.
Sa kohë ky njeri drejton Shqipërinë, aq kohë shqiptarët do zbrazin vendin e të parëve. Keqqeverisja e këtij KM që vret shpresat e qytetarëve, është arsyeja për këtë rekord botëror të zi në emigracion. Është koha për të reaguar. Zbrazja e Shqipërisë është akt tradhëtie kombëtare! pic.twitter.com/dwjS38I1Cx
— Lulzim Basha (@lulzimbasha_al) March 6, 2020
