Grupi parlamentar i udhëhequr nga deputetja Rudina Hajdari propozon 4 opsione për sistemin zgjedhor.
Në të gjitha prej opsioneve, mbizotëron fjala “listat e hapura”. Opsionet u propozuan ditën e sotme pas shtyrjes së takimit me mazhorancën.
Opsioni i parë është i propozuar nga deputetët Ralf Gjoni, Myslim Murrizi dhe Nisma Thurje: Sistem proporcional kombëtar, një zonë zgjedhore, dhe kuvendi të jetë më 100/140 deputetë, një model i ngjashëm me Kosovën. Ky ndryshim kërkon ndryshime në Kushtetutë.
Opsioni i dytë që kërkon ndryshim të Kushtetutës vjen si propozim i tre deputetëve: Sistem proporcional rajonal, i korrektuar me listë kombëtare të hapura.
Opsioni i tretë është: Sistem propocional rajonal me 12 njësi zgjedhore të grupuara në 4 rajone zgjedhore, sërish me lista të hapura, por që ndryshe nga propozimet e tjera, nuk kërkon ndryshime në kushtetutë.
Opsioni i Katërt është sistem mazhoritar i korrektuar me listë propocionale kombëtare me listë të hapur, me jo më shumë se 5 (pesë) preferenca dhe kërkon ndryshime në Kushtetutë.
Propozimet per Sistemin Zgjedhor- Grupi Demokrat by Laert Miraku on Scribd
