Një tjetër rast dyshimi i infektimit me coronavirus është shfaqur në Shqipëri. Bëhet fjalë për një grua rreth moshës 50 vjeç, e cila u shtrua në spitalin e Lushnjes me simptoma të ngjashme me ato të coronavirusit.
Gruaja kishte temperaturë të lartë dhe probleme me frymëmarrjen.
Dyshimet për një infektim të mundshëm me coronavirus të gruas nga Lushnja u bënë më të forta pasi u mësua se ajo ishte kthyer nga Padova e Italisë.
Pacientja është transportuar drejt QSUT-së në Tiranë ku do i nënshtrohet analizave të thelluara.
Dy ditë më parë një rast i ngjashëm u shfaq në spitalin e Korçës, por pas analizave rezultoi se i moshuari nuk ishte i infektuar me coronavirus.
