Philip Clements dhe 27-vjeçari Florin Marin, u njohën në një aplikacion online dhe para tre vitesh ata u martuan. Philips është një ish prift 81-vjeçar dhe ai jeton me partnerin e tij më të ri në moshë në Rumani.
Pjesën më të madhe të martesës së tyre ato e kanë kaluara të ndarë, por kohët e fundit i moshuari është transferuar në Bukuresht dhe tashmë çifti po pret me padurim që të festojnë përvjetorin e tyre të tretë.
“Ai më kupton shumë mirë dhe unë atë gjithashtu. E di kur është i zënë kujdesem që të mos e shqetësoj dhe t’i lejoj të gjithë hapësirën e nevojshme. Ai duhet të shfrytëzoj kohën për të qenë pranë të rinjve, është shumë e rëndësishme një gjë e tillë, kur ekziston ky ndryshim i madh në moshë”,u shpreh Philip për The Sun.
“Duhet të kemi kujdes me paratë, por jetesa në Rumani është më e lirë se në Angli, kështu që besoj që paratë janë mëse të mjaftueshme. Na presin përpara shumë momente për të jetuar, për të shkuar në kinema, për të darkuar jashtë”, u shpreh Philip.
Sakaq, i moshuari u shpreh se para një viti i është nënshtruar një operacioni në zemër. Mirëpo problemet e tij shëndetësore u shtuan akoma më shumë kur u rrëzua në ambientet e shtëpisë dhe si pasojë theu pesë brinjë. Philip tha se Florin ka shërbyer si burim force për të gjatë kohës së rikuperimit të tij.
“Kur isha në spital, Florin vinte dhe më vizitonte çdo ditë. Kujdesej për mua. Ai ishte burimi i forcës që unë jam rikuperuar”, u shpreh ish-prifti.
Philip më parë ka shërbyer për vite të tëra si prift në kishën anglikane, por doli në pension para se të martohej me Florin, shkruan The Sun.
