Skuadra e Bayern Munchin ka fituar me lehtësi në ndeshjen me klubin e Augsburgut, takim i vlefshëm për javën e 25-ë të Bundesligës.
Kampionët në fuqi të Gjermanisë triumfuan me rezultatin 2-0 në Allianz Arena, në një takim ku golat erdhën në pjesën e dytë.
Të dyja skuadrat zhvilluan një lojë të kujdesshme në 45-minutshin e parë, ndërsa rastet serioze munguan.
Megjithatë fraksioni i dytë i këtij takimi erdhi ndryshe për Bayernin, i cili u hodh në sulm dhe në minutën e 53-ë të lojës arriti të zhbllokonte rezultatin me anë të golit të Thomas Muller.
Jerome Boateng asistoi për sulmuesin gjerman, ndërsa goli i dytë erdhi nga Leon Goretzka (90+1′) me një super asist nga Serge Gnabry.
Bayern Munich vazhdon të jetë në krye të Bundesligës me 55 pikë, ndërsa në xhiron e 26-të do të ndeshet me Union Berlin. Kjo fitore ka përkuar edhe me ditën e 120-vjetorit të bavarezëve. /Fjala.al/
