Këngëtarja shqiptare e cila jeton prej kohësh në Amerikë, Bleona Qereti ka publikuar kèngèn e saj të fundit e cila titullohet “Haters”
Kënga është punuar nga producentë të huaj, teksa në kompozim dhe tekst ka marrë pjesë edhe vet Bleona. Haters” vjen edhe me një klip mjaft atraktiv, në të cilin Bleona vjen me një paraqitje tejet provokuese.
Duke qenë se kënga u publikua më 8 mars, në atë që njihet si dita e gruas në mbarë botën, këngëtarja Qereti nuk hezitoi t’u bëjë një dedikim të gjithë femrave në rrjetin social Instagram.
“Unë e shkrova këtë këngë për të gjitha gratë e forta atje! Mos lejoni askënd ose asgjë të qëndrojë midis jush dhe ëndrrave tuaja! Gëzuar 8 Marsin”, ka shkruar këngëtarja shqiptare.
Por në këtë këngë merr pjesë edhe Bes Kallaku i cili këndon dhe luan rolin e njerëzve të cilët vetèm gjykojnë jetën e këngëtares.
