Skuadra e Tiranës ka vazhduar rrugën e saj të triumfit edhe në ndeshjen e javës së 26-ë të Kategorisë Superiore.
Bardheblutë e kryeqytetit fituan me rezultatin 1-0 ndaj kurbinasve, duke siguruar akoma më shumë kryesimin e Superligës. Pjesa e parë e takimit u mbyll me barazimin 0-0, ku u duk se kryeqytetasit ishin duke vuajtur përballë kundërshtarëve të tyre. Megjithatë minuta e 70-ë e lojës solli zhbllokimin e rezultatit, moment kur Michael Ngoo arriti të shënonte golin e fitores për Tiranën.
Gjatë 45-minutshit të parë ekipi i Tiranës u duk se nuk ishte mjaft në formë,duke rrezikuar seriozisht portën e Likës, ndërsa në fraksionin e dytë bardheblutë u futën në lojë si një tjetër skuadër. Ekipi i drejtuar nga trajneri Emmanuel Egbo u treguan më agresiv dhe arritën që të realizonin goli e fitores, duke vazhduar kështu të qëndrojnë për 14 ndeshje me radhë në të gjitha kompeticionet shqiptare pa asnjë humbje.
Momentalisht Tirana ndodhet në krye të Superligës me 53 pikë dhe një diferencë prej 9 pikësh nga Kukësi i vendit të dytë edhe pse duhet theksuar se verilindorët kanë një ndeshje më pak./Fjala.al/
