Nëntë oficerë të policisë locale në qytetin Grimbergen janë izoluar për 24 orë të shtunën e kaluar. Ngjarja ndodhi pasi ata arrestuan një shqiptar i cili dyshohej se ishte me koronavirus.
Agjentët u vendosën në karantinë në orën 21 të mbrëmjes. Testi i kryer tregoi se burri nuk ishte i infektuar dhe policët e lanë karantinën në orën 20:00 mbrëmjen e së dielës.
“Agjentët kishin hyrë të shtunën në një plantacion kanabisi në rrethin e Strombeek-Bever, ku u arrestuan tre shqiptarë. Njëri nga të tre tha se sapo ishte kthyer nga Italia dhe kishte ethe. Burri u ekzaminua në UZ Jette. Për të qenë të sigurt, agjentët vendosën me marrëveshje të ndërsjellë të qëndrojnë në karantinë në zyrën e komisionerit”, tha kryetari Chris Selleslagh (Open Vld) i Grimbergen, shkruajnë mediat vendase.
Tre të arrestuarit u dërguan në burgun e Brugës./Fjala.al/Burimi: HLN
