Në “Qytetin Studenti” afërsisht banojnë rreth 5400 të rinj nga rrethe të ndryshme të vendit. Por duket se pavarësisht investimeve që janë bërë aty në vite të ndryshme, ka mjaft probleme të cilat vazhdojnë t’i vuajnë të rinjtë duke ju ndikuar në cilësinë e arsimimit të tyre, por edhe në financat e familjeve të tyre. Këto shqetësime janë rritur së fundmi edhe me konfirmimin e koronavirusit në Shqipëri.
Në një prononcim për emisionin “Wake Up” në Top Channel, të rinjtë bënë me dije se në tualetet përbashkëta nuk kryhen dizinfektime dhe madje mungon edhe uji. Ata detyrohen të përdorin kova me ujë.
“Jemi të frikësuar dhe nuk dijmë se çfarë do të ndodhë”, u shpreh një studente, e cila tha gjithashtu se shoqja e saj e dhomës kishte dy javë që ishte larguar nga konvikti për shkak të frikës nga koronavirusi.
“Prindërit na thonë të kthehemi në shtëpi nga frika e virusit”, tha studentja.
