Gjatë mbledhjes së pasdites së sotme të qeverisë kryeqeveritari Edi Rama tha se papërgjegjshmëria në kohë lufte, siç e konsideron ai koronavirusin, vret.
Rama i komentoi deklaratat e kreut të Partisë Demokratike, Lulzim Bashës si të dëmshme për qytetarët dhe shtoi se nuk duhet kurrsesi që opozita të shkojë në spital.
“Kryetari i opozitës ta shikoj shtëpinë e ushtarakëve e të bëjë një vizitë e jo të bëjë vizita në spitale ku tërë bota u thotë të gjithëve edhe familjarëve të mos afrohen se mund të merrni koronavirusin. Shtëpia e ushtarakëve është gati, vendimi i qeverisë është marrë siç merret çdo vendim me radhë, se ne nuk jemi Kina se dhe Kina po të ishim nuk do të hidhnim kot fonde si kokrrat e orizit, por ato fonde duhen për ushqime e investime në shtëpinë ushtarake.”-tha Rama.
Më tej kreu i Partisë Socialiste shtoi se maskat nuk janë të dëmshme dhe se deklarata të tilla si ato të Bashës në një periudhë të tillë vrasin njerëz.
“Këto fonde nuk janë për të ushqyer klubet e mbrëmjes e as për ekranet që duan gjak, por për të përballuar këtë situatë. Po lëndoni zemrën dhe helmoni mendjen e një populli të tërë duke thënë se janë shpërndarë 1.2 milion maska të dëmshme. Sepse këto deklarata rëndojnë zemrën dhe helmojnë mendjen e popullit tonë kur thonë se maskat janë të skaduara.
Nëse në kushte paqeje papërgjegjshmëria dëmton njëherë në luftë papërgjegjshmëria vret.”-tha ndër të tjera Kryeministri Rama./Fjala.al/
