Një kirurg britanik i cili ka rezultuar pozitiv me koronavirus, besohet të ketë infektuar qindra pacientë. Mjeku besohet ta ketë marrë virusin gjatë pushimeve të tij në Itali.
Ai vazhdoi të trajtojë një sërë pacientësh ndërsa ishte vet i infektuar. Mjeku mori pjesë në një mbledhje me dhjetëra kolegë të tij, të cilët vazhduan të mjekonin pacientë të tjerë pa e ditur se kishin pasur kontakt me virusin vdekjeprurës.
Mjeku kishte simptoma dhe më pas u testua për koronavirus dhe doli pozitiv. Mjekë të tjerë të stafit kanë shfaqur gjithashtu simptoma dhe janë duke u testur.
Frika është e madhe në spitalin ku ai punon sepse besohet se ai ka infektuar qindra pacientë duke trajtuar rreth 400 pacientë në javë.
Simptomat e koronavirusit mund të shfaqen pas dy javësh dhe virusi mund të përhapet pa e kuptuar. Mjeku ka kryer operacione te pacientë të shumtë dhe kjo është me të vërtetë shumë shqetësuese.
Ky veprim shihet si një papërgjegjshmëri nga ana e mjekut i cili edhe pse e dinte se ishte kthyer nga një vend i infektuar si Italia, nuk u izolua por vazhdoi të punonte në spital./Fjala.al/Burimi: The Sun
