Ka arritur në 10 numri i personave të infektuar me koronavirus në Shqipëri. Lajmi është konfirmuar nga Ministria e Shëndetësisë.
Nga katër personat e konfirmuar sot si të infektuar, dy prej tyre kanë lidhje me dy personat e parë të identifikuar me koronavirus, ndërsa dy të tjerë nuk kanë patur kontakte me ta. Një prej të infektuarve ndodhet aktualisht i shtruar në spitalin e Durrësit.
(-Durrsaku me koronavirus, autoritetet nuk e gjejnë ku është infektuar)
Zv.ministrja e Shëndetësisë vuri në dukje faktin se shumë njerëz nuk po marrin parasysh këshillat dhe vijojnë të qëndrojnë në ambiente të populluara. Ajo kërkoi shmangien e kafeneve dhe restoranteve për të bërë të mundur mos-përhapjen e koronavirusit.
Qytetarëve iu kërkua të shmangin edhe linjat e autobusëve.
