Luca Franzese përmes një videoje i ka bërë thirrje për ndihmë qeverisë italiane.
Trajneri i arteve marciale i cili u shfaq në dramën TV Gomorrah publikoi një sërë videosh në Facebook pas përhapjes së vazhdueshme të koronavirusit.
Në video, Luca thotë se motra e tij Teresa, 47 vjeç ka vdekur në shtëpi pasi u diagnostikua me COVID-19. Ndërsa trupi i saj mbeti në shtëpi për mbi 24 orë sepse autoritetet nuk po e ndihmonin. Sipas vëllait të saj, Tereza vuante nga epilepsia.
“Për ta mbajtur motrën time gjallë, unë u përpoqa t’i jepja frymarrje përmes gojës dhe askush nuk kujdesej për këtë, askush nuk po më thërret. Motra ime vdiq dje, ndoshta për shkak të virusit, dhe unë prisja përgjigje që nga nata e kaluar. Djema, jemi shkatërruar. Italia na ka braktisur,” tha ai.
Ai thotë gjithashtu se tre anëtarë të tjerë të familjes u testuan pozitivë me koronavirus.
“Makthi vazhdon,” dëgjohet ai duke thënë.
Uebfaqja italiane e lajmeve Open konfirmoi më vonë se një politikan vendas kontaktoi Luca Franzese pasi ai kishte publikuar videon e parë dhe pasi kishte varrosur motrën e tij.
