Të gjithë ata që janë të prekur nga koronavirusi dhe dalin në rrugë do të dënohen me 21 vite burg.
Ky është vendimi që ka marrë qeveria italiane ndaj të gjithë atyre që nuk respektojnë rregullat e vendosura nga qeveria.
Sipas qeverisë italiane, ata që janë të prekur me koronavirus dhe dalin nga karantina do të përballen me akuza për vrasje.
Pacientët e dyshuar se janë mbartës të COVID-19 janë urdhëruar që të qëndrojnë brenda në zona të izoluara, në të kundërt do të gjobiten edhe me një gjobë rreth 206 euro.
Me masat e reja të ndërmarra ato do të përballen me akuza shumë më të rënda nëse infektojnë dikë gjatë shëtitjeve të tyre në rrugë.
“Nëse jam i infektuar, e di që jam dhe kërkoj të kem ende kontakte me njerëz të tjerë pavarësisht nga mundësia e transmetimit të infeksionit, atëherë hyn në fuqi dhe akuza”, u shpreh Franco Coppi për Corriere della Sera.
Ndërkaq, në një konferencë për shtyp disa ditë më parë kryeministri italian Giuseppe Conte e shpalli të gjithë territorin e vendit “zonë të kuqe” duke e vendosur atë në karantinë.
Deri më tani numri i të infektuarve në Itali ka shkuar në 12 mijë, ku midis tyre 1045 persona janë shëruar, ndërsa rreth 827 persona kanë humbur jetën si pasojë e koronavirusit.