Hakerët përdorin hartat e gjurmimit të koronavirusit për të infektuar përdoruesit. Duket si shaka por kjo qasje po vjen dhe rritet.
Por, si funksionon: Përdoruesit drejtohen tek një aplikacion i cili shkarkon “AZORult” që vjedh kredenciale dhe informacione bankare. Kjo teknikë është e zakonshme dhe pritet rritja e sulmeve të tilla në ditët në vijim.
Të gjendur përballë një ankthi dhe frike rreth koronavirusit, njerëzit janë vazhdimisht në kërkim të informacionit rreth tij dhe kjo po shfrytëzohet nga hakerët të cilët po qarkullojnë disa uebsajte që tregojnë harta për përhapjen e virusit, por realisht infektojnë kompjuterët e përdoruesve me faqet kur hapen.
Njerëzit janë turrur drejt uebsajteve të mirëmbajtura nga mediat dhe autoritetet shëndetësore për të gjurmuar virusin.
Sipas firmës së sigurisë kibernetike hakerët po krijojnë sajte të cilat sillen si harta të COVID-19 dhe që shpërndajnë të dhëna. Këto uebsajte i shpërndajnë ose përmes medias sociale ose përmes e-mail-eve.
Për të shmangur këtë virus, njerëzit këshillohen të përdorin harta të verifikuara ose të kontrollojnë url përpara se të hapin një uebsajt.
