Italia është vendi i dytë më i prekur nga koronavirusi. Bilanci i të infektuarve vazhdon të rritet. Ditën e sotme janë regjistruar 17,660 të infektuar dhe numërohen 1266 viktima.
Gjatë 24 orëve të fundit janë regjistruar 250 viktima më shumë e 2547 të infektuar të tjerë.
Prej tyre 1328 janë në terapi intensive, 7426 po kurohen në spitale e 6201 të tjerë në kushte shtëpiake.
Numri i personave të shëruar është 1439.
Vetëm në rajonin e Lombardisë brenda 24 orëve janë regjistruar 149 viktima të tjera e numri i përgjithshëm i tyre është sot 890.
Kurse personat e infektuar në Lombardi janë deri sot 9820.
Rajonet Calabria, Sardegna, Molise e Basilicata fatmirësisht deri më tani nuk shënojnë asnjë viktimë.
Gjithashtu në dy rajone në Sardegna e Calabri asnjë pacient nuk është në gjendje kritike i shtruar në terapi intensive.
Në rajonin e Lacios ku ndodhet kryeqyteti italian numri i të infektuarve është rritur e ka arritur në 277 pacientë e 11 viktima.
Ndërkohë koronavirusi ka prekur çdo shtet tjetër dhe po përhapet shumë shpejt.
