Skuadra e Juventusit ka hedhur poshtë fjalët që thonë se Paulo Dybala ka rezultuar pozitiv ndaj testit të koronavirusit.
Sipas “ANSA-s”, Juventus “mohon kategorikisht” thashethemet e qarkulluara në orët e fundit, ku pretendohej se sulmuesi argjentinas është prekur nga virusi i rëndë.
Në izolim për shkak të rezultatit pozitiv nga testi i këtij virusi i mbrojtësit Daniele Rugani ndodhet i gjithë klubi bardhezi përfshirë këtu edhe Dybalan, por sipas skuadrës në fjalë lojtari nuk është prekur.
“Zonja e Vjetër” bëri me dije se plot 121 persona janë në izolim pasi zbuluan se njëri prej lojtarëve të tyre ishte kontraktuar me virusin./Fjala.al/
PARANDALO, MOS RREZIKO VETEN DHE TË AFËRMIT NGA KORONAVIRUSI
