Deputeti Halit Valteri ka publikuar një foto nga SHBA që tregon uljen e çmimit të naftës dhe benzinës.
Foton e shoqëron me një status që dukshëm i referohet biznesmenëve kryesorë të naftës në Shqipëri dhe çmimit të lartë me të cilin detyrohen shqiptarët ta blejnë në karburante.
“Në SHBA vazhdon ulja e çmimit të benzinës dhe naftës. Ndërsa në vendin tonë ‘shumë herë më të pasur se Amerika dhe me rroga më të larta’ vazhdon njësoj. Monopoli i krijuar nga ‘oligarkët’ e paprekshëm na e shesin sa frëngu pulën, siç thotë populli. Ta gëzojmë në këto ditë të vështira”, shkruan deputeti Valteri.
Mbetet për t’u parë në ditët në vijim nëse ai do të reagojë me emra konkretë ndaj këtyre “oligarkëve”, apo do të godasë vetëm fenomenin që ndodh në Shqipëri.
