Nesër do të zhvillohet një mbledhje midis UEFA-s dhe 55 federatave anëtare të saj, ku do të diskutohet për situatën në të cilën ndodhet bota e futbollit nga koronavirusi dhe do vendoset për vazhdimësinë e garave kryesore.
Një prej çështjeve më me shumë rëndësi është ajo e Europianit 2020, i cili me shumë gjasë pritet të shtyhet, por mbetet për t’u kuptuar se kur. Gjatë ditës së sotme, Aleksei Sorokin, përgjegjësi i Komitetit Organizativ të Kupës së Botës “Rusi 2018”, ka hapur një derë për të pritur edhe Europianin. Rusia i ka gati stadiumet dhe është një nga vendet më pak të prekura nga koronavirusi dhe ku nuk ka asnjë të vdekur nga COVID-19.
Më parë edhe zv.presidenti Dmitrij Çerishenko ishte shprehur se Rusia mund të mirëpriste më shumë takime nëse do të ishte e nevojshme./Fjala.al/
