Google ka hedhur dritë së fundmi mbi komentet e lëshuara nga presidenti amerikan Donald Trump, se kompania si motër, Verily, po zhvillon një faqe në internet për të gjithë amerikanët për të parë nëse duhet apo jo të testohen për virusin Covid-19.
Në të vërtetë, Verily duket se ka nisur punën në zonën Bay, Kaliforni, me qëllimin për t’i ardhur në ndihmë me kalimin e kohës edhe qytetarëve amerikanë të zonave të tjera.
“Faqja është në fazat e hershme të zhvillimit dhe planifikimit të testimit në zonën Bay. Ne do të marrim kohën e nevojshme për të vlerësuar operacionet në vendet pilot”-tha kompania në një deklaratë për mediat, duke theksuar se puna ka nisur sot.
Presidenti Donald Trump deklaroi të premten se një faqe në internet, krijuar nga 1,700 inxhinierë të Google, do të ishte në thelb të procesit të shqyrtimit të qeverisë, për të përcaktuar nëse një test për koronavirusin është i garantuar, si dhe për të lehtësuar testimin në një vend të afërt të përshtatshëm.
Google ka publikuar ndërkohë informacione se si të mbrohemi nga Covid-19 në faqen e saj fillestare dhe You Tube.
Javën e kaluar, drejtues nga Amazon, Google, Microsoft, Apple dhe Facebook u takuan me zyrtarë në Downing Street për të diskutuar rolin e tyre në krizën e krijuar nga koronavirusi.
Fjala.al
