Ish-kampioni i botës me Kombëtaren e Italisë në vitin 2006, Fabio Kanavaro, momentalisht trajner i ekipit kinez të Guangzhu Evergrande, ka thënë se koronavirusi luftohet vetëm duke respektuar rregullat e autoriteteve.
Duke treguar detaje nga jeta e përditshme në Kinë, e cila tashmë i është rikthyer realitetit falë zbatimit të rregullave strikte të vendosura pas përhapjes së COVID-19, Kanavaro ka thënë se tashmë njerëzit atje ndihen më të sigurtë.
“Gati është rikthyer normaliteti tashmë, Mund të shikosh njerëz në restorante, madje dhe pa maska. Koronavirusi u mposht në Kinë vetëm për shkak se të gjithë njerëzit së bashku ndoqën rregullat e autoriteteve.
Para 1 muaj nuk shikoje njerëz të thjeshtë rrugëve, por vetëm ambulancat dhe policinë. Qëndruan në shtëpi të gjithë. Kjo është e vetmja gjë që duhet bërë,”-tha ai./Fjala.al/
